'స్నాప్ డీల్ ' ఈ -కామర్స్ సంస్థ కొత్తగా వినియోగదారుల కోసం 'క్యాష్ @హోమ్'సర్వీస్ ని ప్రారంభించింది . ఇందులో రూ . 2,000 నగదుకు యూజర్స్ ఆర్డర్ ఇవ్వొచ్చు . వినియోగదారుల నగదు ఇబ్బందుల దృష్ట్యా నిత్యావసరాల వస్తువుల కొనుగోళ్ల విషయంలోఇబ్బందులను కొంతమేర తొలగించడానికి ఈ నిర్ణయం తీసుకున్నామని స్నాప్ డీల్ సహ వ్యవస్థాపకుడు రోహిత్ బన్సాల్ తెలిపారు .
క్యాష్ ఆన్ డెలివరీ విధానంలో వచ్చిన నగదును 'క్యాష్ @హోమ్ 'సేవలకు వినియోగిస్తామని తెలిపారు . ఈ సేవలకు కన్వీనియస్ ఫీజు కింద ఒక రూపాయిని ఛార్జ్ చేస్తామని ,దీన్ని ఆర్డర్ బుకింగ్ సమయంలో ఫ్రీఛార్జి లేదా డెబిట్ కార్డు ద్యారా చెల్లించాల్సి ఉంటుందని చెప్పారు . క్యాష్ డెలివరీ సమయంలో వినియోగదారులు వారి ఏటీఎం కార్డును సంస్థ నుండి వచ్చే కొరియర్ పార్టనర్స్ తీసుకువచ్చే పిఓఎస్ మెషిన్ లో స్వైప్ చేస్తే సరిపోతుందని తెలిపారు. ఒక వ్యక్తి ఒక బుకింగ్ పై 2,000 రూపాయలు మాత్రమే పొందవచ్చు . ప్రస్తుతం ఈ సేవలు కొన్ని ప్రాంతాల్లో మాత్రమే అందుబాటులో ఉన్నాయి , అవి బెంగళూరు ,గుర్గావ్. తొందరలోనే ఇతర ప్రాంతాలకు విస్తరిస్తామని తెలిపారు .
0 comments:
Post a Comment